Luis de la Fuente, trajneri i Kombëtares së Spanjës, shprehu shqetësimin për dëmtimin e Dani Carvajal.
De la Fuente foli për bisedën e tij me Carvajal, duke thënë: “Kam qenë në gjendje të flas me të. Jemi të gjithë të mërzitur dhe të prekur. Jam i sigurt se ai do të shërohet shumë mirë dhe do të kthehet më i fortë se kurrë.”
Mbrojtësi do t’i nënshtrohet një operacioni në ditët në vijim. Koha e rikuperimit të tij pritet të jetë nga tetë deri në dhjetë muaj.
Carvajal pësoi një dëmtim të rëndë gjatë ndeshjes së Real Madridit kundër Villarrealit. Ai është diagnostikuar me një këputje të ligamentit të kryqëzuar të përparmë.
/GazetaBlic Sport
