Marcelo Bielsa ka festuar mbrëmë me kombëtaren e Uruguajit pas kalimit në gjysmëfinale të Kupës së Amerikës. Megjithatë, trajneri legjendar paralajmëron për uljen e atraktivitetit të futbollit.
Në botën e futbollit, flitet gjithnjë e më shumë për rënien e popullaritetit të sportit në mesin e tifozëve të rinj. Shumë prej tyre preferojnë lojëra të tjera.
Marcelo Bielsa tërhoqi vëmendjen për këtë para ndeshjes Uruguaj-Brazil. Trajneri legjendar beson se futbolli po bëhet gjithnjë e më pak tërheqës.
Trajneri i kombëtares së Uruguait beson se nëse nuk ndryshon asgjë në futboll, numri i shikuesve do të vazhdojë të bjerë. Ai ka bërë të ditur shqetësimet e tij.
“Futbolli po bëhet gjithnjë e më pak tërheqës. Ajo që dikur e bënte lojën më të mirën në botë, nuk konsiderohet më një përparësi,” tha Bielsa.
“Pavarësisht se sa njerëz shikojnë futboll, nëse nuk siguroheni që ajo që shikojnë njerëzit të jetë e këndshme, do të sjellë vetëm përfitime biznesi, sepse në biznes, e vetmja gjë që ka rëndësi është sa njerëz e shikojnë atë. Por në pak vite, do të ketë më pak lojtarë që ia vlen të shikohen dhe loja do të bëhet më pak tërheqëse”, parashikoi ai.
“Rritja artificiale e numrit të shikuesve që po mbizotëron aktualisht do të marrë fund. Futbolli nuk është vetëm pesë minuta nga ngjarjet më të rëndësishme. Futbolli është diçka më shumë, është shprehje e kulturës. Është një mënyrë identifikimi”, përfundoi ai.
/GazetaBlic Sport
