E ardhmja e sulmuesit spanjoll, Alvaro Morata, vazhdon të jetë me pikëpyetje, nëse do të vazhdojë të luajë për Atletico Madrid apo do të largohet në merkaton e verës.
Kontrata e tij me “Los Colchoneros” është deri në verën e vitit 2024 dhe ende nuk është vendosur nëse do të rinovojë apo jo. Mediat raportojnë se Roma dhe Milan janë dy klubet nga Italia të cilët kërkojnë shërbimet e spanjollit.
Në lidhje me këto zëra merkatoje, Morata ka thyer heshtjen dhe ka folur për interesimin e dy skuadrave italiane.
“Betohem që nuk kam dëgjuar asgjë nga këto gjëra. Kam kontratë që më lidh me Atleticon deri më 30 qershor 2024. Menaxheri im nuk më ka thënë asgjë të paktën deri tani. Pastaj, dihet se janë gjër që ndodhin në futboll, sidomos në botën e merkatos.
Nëse në verë do të krijohen situata të favorshme për të lëvizur, si për klubin shitës ashtu për atë blerës, ndoshta mund të lëviz. Por e përsëris, unë për momentin nuk di asgjë”, ka deklaruar Morata./h.ll/abcnews.al
