Mesfushori i Real Madridit, Toni Kroos ka reaguar për transferimin e 21-vjeçarit, Gabri Veiga te skuadra e Arabisë Saudite të Al Ahli nga Celta Vigo.
Klubet në Arabinë Saudite kanë qenë të pamëshirshme gjatë verës, pasi kanë rrëmbyer disa prej talenteve më të mirë në Evropë, përcjell lajmi.net.
Cristiano Ronaldo ishte superylli i parë që u largua nga Evropa për në Lindjen e Mesme, me Karim Benzema, Neymar dhe N’Golo Kante që pasuan këtë verë.
Për skuadrat saudite kanë nënshkruar edhe Roberto Firmino, Riyad Mahrez dhe Jordan Henderson, pa përmendur Ruben Neves dhe Sadio Mane.
Në kampionatin elitar saudit është transferuar tani edhe edhe 21-vjeçari i Celta Vigos, Vegia që konsiderohej lojtar me të ardhme të ndritur.
Mesfushori gjerman, Toni Kroos në një postim në rrjetin social Instagram ka komentuar hapur rreth këtij transferimi.
“E turpshme” – ka shkruar futbollisti me përvojë.
Vegia bëri 36 paraqitje në La Liga në sezonin 2022/23, duke shënuar 11 gola, duke tërhequr interesim nga Manchester United dhe Chelsea./Lajmi.net/
