Trepça fitoi ndaj Proton Cable Prizrenit me shifrat 79:95 (24:24, 18:24, 23:26, 14:21), në takimin që u zhvillua në Mitrovicë, në kuadër të javës së 19-të të ProCredit Superligës.
Çereku i parë ishte kryesisht i barabartë, ku prizrenasit në fund kishin shtatë pikë epërsi, 24:17, por shtatë pikë radhazi nga Larry Thomas, bën që kjo pjesë të përfundojë 24:24. Edhe periudha e dytë ishte kryesisht e baraspeshuar, ku në fund mitrovicasit u shkëputën për të shkuar në pushim me rezultat 42:48.
Në periodën e tretë, ‘Xehetarët’ ishin më të mirë, 23:26, derisa fitoren e vulosën në dhjetë minutat e fundit për triumfin 79:95.
Te prizrenasit u dalluan Lenzelle Smith J.r me 14 pikë, tetë kërcime e gjashtë, Edmond Kryeziu me 23 pikë dhe Tervell Beck me 15 pikë e nëntë kërcime, ndërsa te mitrovicasit u dalluan Batin Tuna me 17 pikë e shtatë kërcime dhe Larry Thomas me 15 pikë e pesë asistime.
Proton Cable Prizreni ka katër fitore e 15 humbje, derisa Trepça 13 fitore e gjashtë humbje.
