Xhiro e 29-të e Superligës në futboll, nis sot me tri ndeshje në program.
Lideri Ballkani, luan në udhëtim te Feronikeli ‘74 nga ora 15:00, në tentim për ta ruajtur vendin e parë.
Skuadra nga Drenasi është e teta në tabelë dhe iu ka shmangur ekipeve që bien nga liga, por synon t’i ikë edhe barazhit.
Një gabim të kampionit e pret Drita që në Gjilan e pret Lirinë e fundit të tabelës. “Intelektualët” janë në vend të tretë, por vetëm dy pikë larg vendit të parë.
Ndeshja tjetër e ditës luhet në Lipjan, me Prishtinën nikoqire që e pret Gjilanin.
Bardhekaltrit nga kryeqyteti janë përqëndruar në garën e Kupës, por për gjilanasit kjo ndeshje vlen shumë për t’u larguar nga zona e barazhit
