Chelsea mund të bëjë një lëvizje të bujshme në afatin kalimtar të janarit për të transferuar portierin e Milanit, Mike Maignan, raporton gazetari italian Matteo Moretto.
Sipas tij, ka shumë gjasa që Milani të shesë portierin francez, pasi rinovimi i kontratës së tij – që skadon në fund të sezonit – duket thuajse i pamundur.
Nëse palët nuk arrijnë marrëveshje, klubi kuqezi pritet të detyrohet ta shesë në janar për të shmangur largimin e tij të lirë në verë.
Chelsea shihet si kandidati kryesor për nënshkrimin e Maignan, pasi londinezët kishin tentuar ta sillnin në “Stamford Bridge” edhe gjatë verës, por bisedimet kishin ngecur për shkak të mosmarrëveshjeve mbi çmimin e transferimit.
Një shitje e mundshme e Maignan do të përbënte një goditje të madhe për Milanin, që rrezikon të humbasë një nga figurat më të rëndësishme të skuadrës në mes të sezonit.
Përndryshe, Maignan ka qenë titullar i padiskutueshëm te “Rossonerët” pavarësisht që ka vetëm gjashtë muaj të mbetur në kontratë.
