Inter Miami përjetoi një nga momentet më të errëta në historinë e tij të shkurtër, pasi u eliminua në shtëpi në 1/8 e finales së “CONCACAF Champions Cup”, pas barazimit 1-1 me Nashville SC. Projekti faraonik i udhëhequr nga Lionel Messi, që synonte lavdinë kontinentale këtë sezon, nuk fitoi asnjë nga dy ndeshjet dhe barazimi 0-0 në Nashville e eliminoi për shkak të rregullit të golit në fushë kundërshtare.
Nuk mjaftoi as goli i Messit në minutën e 7-të, i 900-ti në karrierën e tij. Bashkëkombësi i tij Cristian Espinoza barazoi, duke i lënë vetëm 15 minuta kohë Inter Miamit për reagim. Forma e “Las Garzas” këtë sezon është shumë larg asaj të “play off”-eve të MLS, kur fituan “MLS Cup”.
Pas golit të Messit, skuadra u mbështet te mbrojtja dhe ruajtja e portës, pavarësisht problemeve të vazhdueshme prapa, të maskuara prej vitesh nga një sulm superior në Amerikën e Veriut.
El gol número 900 en la carrera de Leo Messi. En @MLSes pic.twitter.com/sZQ9bRaz3W
— Gastón Edul (@gastonedul) March 18, 2026
