Mohamed Salah është një nga yjet më të njohur të futbollit botëror. Por paralelisht me famën, vjen edhe kujdesi dhe Salah ka punësuar truproja profesioniste për ta mbrojtur nga çdo sulm apo tifoz i padëshiruar që e tepron me dëshirën për të qenë pranë egjiptianit.
Karim Abdu, truproja personale e tij, ka zbuluar se si ai dhe ekipi që e shoqëron, përpuqen çdo ditë të mbrojnë Salah dhe familjen e futbollistit.
“Çdo dhuratë duhet kontrolluar. Ne nuk pranojmë dhurata, por në rastet kur unë marr të tilla nga njerëzit, ata duhen skanuar. Nuk i dihet asnjëherë çfarë ka brenda, mund ta sëmurë apo ta vrasë, nuk i dihet asnjëherë”, tha ai për podkastin “5ASide”.
Ai shpjegoi se interesi më i madh për Salah erdhi pasi fitoi Ligën e Kampioneve me Liverpulin në vitin 2019.
“Ishte Bajram dhe për falje ka mijëra njerëz në rrugë, pasi është si Krishtlindjet këtu… Ai duhej të shkonte e falej në rrugë me njerëzit, por sapo kishte fituar Ligën e Kampioneve ndaj të gjithë dëshironin të bënin foto me të.
Atje ishte çdo media egjiptiane, televizion, gazetë. Ishte si finalja e Kupës së Botës. Ata u rreshtuan para shtëpisë. Në atë kohë, unë isha në hotel me ekipin kombëtar të Egjiptit. Ai pritej të mbaronte ditët e pushimit dhe të shfaqej atje. Por në atë moment ai i shfaq në shtëpinë e tij dhe nuk mundej as të hapte derën. U munduan edhe që ta nxirrnin nga mbrapa po nuk ia dolën”, tha Abdu.
“Ai është një fantazmë, nuk mund ta shohësh. Por një ditë ai shkoi të falej ne xhami. Dikush e ndoqi dhe pastaj hodhi në WhatsApp adresën e tij”, tha truproja i cili insiston se 20 mijë persona rrethuan banesën për të takuar lojtarin në shtëpinë e tij në Egjipt.
PANORAMASPORT.AL
