Trajneri i Anglisë, Thomas Tuchel, ka mbetur i kënaqur nga fitorja 2-0 që kombëtarja e ‘3 luanëve’ arriti dje ndaj Çekisë në Nations League. Dy gola të realizuara në pjesën e dytë nga Gordon dhe Kane i dhanë suksesin e parë në grup Anglisë.
“Luajtëm në mënyrë shumë profesionale në pjesën e dytë. E rritëm nivelin, na duhej të ishim pak më dinamikë dhe t’i jepnim më shumë vrull lojës sonë. E ruajtëm intensitetin dhe gjithçka ishte shumë profesionale”, tha Tuchel.
Më tej, trajneri gjerman shtoi: “Angazhimi ishte i pranishëm dhe ishte një fitore e merituar. Është pak e çuditshme të marrësh një karton të kuq kaq herët, nuk është situata më e mirë as për spektatorët, as për ekipet”.
“Gjithsesi, ne arritëm një fitore të rëndësishme dhe kjo është ajo që ka rëndësi. Tani na duhet të përgatitemi për ndeshjen e radhës. Ky është një grup shumë i mirë lojtarësh që mund të mposhtin këdo”, deklaroi Tuchel.
