Trajneri i kombëtares së Anglisë, Thomas Tuchel, ka uruar kapitenin e tij Harry Kane, pas fitimit të çmimit Topi i Artë 2026, duke u shpallur si futbollisti më i mirë në botë.
Sulmuesi anglez la pas Kylian Mbappé dhe Lamine Yamal, duke e fituar këtë trofe prestigjioz për herë të parë në moshën 33-vjeçare. Një arritje që kurorëzon një sezon ku ai konfirmoi sërish statusin e tij si një nga sulmuesit më të mirë në botë.
Trajneri Tuchel, i cili e ka drejtuar Kane edhe gjatë kohës së tij te Bayern Munich, i është drejtuar atij me këtë mesazh: “Urime, Harry, për këtë Top të Artë plotësisht të merituar”.
“Shpeshherë më kanë munguar fjalët për të përshkruar paraqitjet e tua, por jam shumë i lumtur që shoh se bota e futbollit më në fund po e njeh vlerën tënde të vërtetë,” vazhdoi trajneri gjerman.
“Fakti që je anglezi i parë në 25 vitet e fundit që e fiton këtë çmim prestigjioz e bën atë edhe më të veçantë. Jemi vërtet me fat që të kemi kapitenin tonë”, tha Tuchel.
Në fund, ai komentoi: “E di që do ta shijosh këtë moment me njerëzit e tu të dashur, para se t’i kthehesh asaj që di ta bësh më së miri: shënimit të golave dhe fitimit të ndeshjeve.”
