Gjirokastra vazhdon të mbetet një nga destinacionet më të preferuara të turizmit kulturor dhe historik në vend, pavarësisht kushteve atmosferike. Qyteti i gurtë, i mbrojtur nga UNESCO, ka regjistruar sërish fluks vizitorësh të huaj, të cilët zgjedhin të eksplorojnë rrugicat karakteristike edhe gjatë muajve të vjeshtës.
Kryeministri Edi Rama ka ndarë këtë fundjavë pamje nga qyteti përmes rrjeteve sociale, duke vënë anë në interesin e pandërprerë të turistëve ndaj trashëgimisë kulturore shqiptare.
“Vjeshtë në Gjirokastër”. Edhe pse nën shi, Gjirokastra vijon të mirëpresë turistë të shumtë nga e gjithë bota, që mbushin rrugicat e qytetit”, shkruan Rama në mesazhin e tij.
Interesi i vazhdueshëm i udhëtarëve të huaj gjatë gjithë vitit dëshmon zgjerimin e sezonit turistik në Shqipëri, duke e kthyer turizmin vjeshtor dhe atë kulturor në një alternativë gjithnjë e më të fortë krahas turizmit bregdetar.
/rtsh.al/
