Botërori i Klubeve në formatin e ri do të marrë jetë në vitin 2025 me edicionin e parë në SHBA. Gjithsesi, deri më tani ka pasur jo pak presion mbi FIFA-n në lidhje me resurset financiare që organizatorët do t’i duhet t’i paguajë klubeve pjesëmarrëse (32).
FIFA po kërkon para për të siguruar që dyshimet që kanë lindur në lidhje me kompeticionin e ri për klube të zhduken plotësisht ose të paktën në mënyrë që klubet, ata që kanë qenë gjithmonë në anën e mbajtjes së turneut, të pastrojnë dyshimin. Nuk është një detyrë e lehtë, por e vërteta është se organizatorët e turneut kanë shpallur publikisht se kjo garë e re do të sjellë emocione të forta dhe ndeshje të nivelit të lartë.
Problemi që po has FIFA është se shumë klube janë nisur nga një situatë joreale në të cilën do të merrnin 50 milionë euro për pjesëmarrje. Asgjë nuk mund të jetë më larg nga e vërteta. Kjo do të nënkuptonte një shumë prej 1.6 miliardë eurosh si pikënisje, diçka e paimagjinueshme nëse e krahasojmë me atë që shpërndahet në një Botëror të ekipeve kombëtare, ku kampionia e fundit, Argjentina, mori 44 milionë për ngritjen e kupës në Doha.
Ideja është se shpërndarja nuk është lineare dhe që klubet evropiane do të marrin pjesën kryesore të tortës me një argument sportivotregtar. Janë skuadrat që do të vendosin më shumë yje në tavolinë në turne dhe, logjikisht, ato që duhet të fitojnë më shumë, sepse janë ato që paguajnë më shumë para. Ky është realiteti.
Në këtë prizëm, drejtuesit e FIFA-s po kërkojnë një shumë prej 2 miliardë eurosh, mes të drejtave të imazhit dhe të drejtave komerciale, me të cilat do të përballen me një turne që synojnë të zërë rrënjë në kalendar dhe të bëhet pjesë e objektivit të të gjitha klubeve në botë.
PANORAMASPORT.AL
