Tyson Fury kthehet në ring më 11 prill, kundër Arslanbek Makhmudov

Tyson Fury ka konfirmuar rikthimin në boks, duke dalë sërish nga pensioni për t’u përballur me Arslanbek Makhmudov më 11 prill.
Superndeshja do të zhvillohet në Mbretërinë e Bashkuar dhe do të transmetohet drejtpërdrejt në mbarë botën në Netflix, që shënon transmetimin e parë live sportiv të platformës nga Britania. Do të jetë paraqitja e parë e Furyt para tifozëve vendas pas afro katër vitesh, ndërsa vendi dhe “undercard”-i pritet të bëhen publikë së shpejti.

Njoftimi u konfirmua nga Turki Alalshikh, kryetar i Autoritetit të Argëtimit të Arabisë Saudite dhe president i Federatës Saudite të Boksit, i cili theksoi se “jemi të lumtur që Tyson vendosi të kthehet nga pensioni për një përballje emocionuese kundër Makhmudovit”. Vetë Fury u shpreh: “I emocionuar që jam kthyer. Zemra ime ka qenë dhe do të jetë gjithmonë në boks. Dikush t’i thotë mbretit se asi është kthyer.”

Makhmudov, i njohur për fuqinë e goditjeve me 19 fitore me nokaut nga 21 duele, vjen pas fitores më të madhe të karrierës ndaj Dave Allenit dhe premtoi spektakël: “Jam i entuziazmuar për këtë mundësi. Po vij për të dhënë luftë.” Ndërkohë, e ardhmja e rivalit Anthony Joshua mbetet e paqartë pas humbjes së miqve të afërt në një aksident, ndërsa Netflix vazhdon bashkëpunimin me Furyn edhe jashtë ringut, me sezonin e dytë të “At Home ith the Furys” dhe një dokumentar të ri në pranverë.