Xhedon Sanço kaloi periudhën më të keqe të karrierës së tij gjatë kohës kur u transferua tek anglezët e Mançester Junajtid. Fatmirësisht, talenti anglez u huazua tek Dortmund gjatë kësaj merkatoje janari dhe duket se më në fund po rigjen edhe një herë veten.
Gjatë 8 ndeshjeve, ka arritur të realizojë një herë dhe të dhurojë 2 asiste për shokët e ekipit. Pavarsisht se nuk janë shifrat më të mira të mundshme, klubi gjerman ka shprehur interesimin që ta mbajë lojtarin sepse ka akoma besim tek potenciali i tij.
Borusia Dortmund ka dy plane kryesore për të marrë përfundimisht në zotërim kartonin e anglezit. E para është mundësia e zgjatjes së huazimit edhe për një sezon tjetër me të drejtë blerje përfundimtare në vitin 2025.
Mundësia e dytë është që ta blejnë kartonin e sulmuesit duke e ndërruar me lojtarin e tyre, Malen, i cili ka arritur të shënojë 13 gola këtë sezon, dhe është një emër që i ka interesuar edhe më përpara “djave të kuq”.
PANORAMASPORT.AL
