Bayern Munich rrezikon të humbasë për një kohë të gjatë sulmuesin Harry Kane.
I dëmtuar në ndeshjen kundër Borussia Dortmund në Bundesligë, anglezi rrezikon të qëndrojë larg fushave për një kohë të gjatë.
Bayern ka publikuar një komunikatë në lidhje me gjendjen e tij fizike, në të cilën shkruhet: “Harry Kane ka pësuar një tërheqje muskulore në kofshë gjatë ndeshjes së Bayernit kundër Borussia Dortmund në Bundesligë”.
Ky është rezultati i një ekzaminimi të bërë nga stafi mjekësor i Bayernit.
Kjo do të thotë se Bayern nuk do ta ketë në dispozicion 31-vjeçarin Harry Kane, i cili do të nisë fazën e rikuperimit.
