Ish-futbolli anglez, Uejn Runi është kapur duke urinuar në publik në Londër. Ish-kapiteni i Anglisë dhe Mançester Junajtid, u pa i mbështetur pas një muri në kryeqytetin anglez, ndërsa kryente nevojat personale, dhe tani rrezikon një gjobë prej 1200 eurosh.
Nuk është hera e parë që Runi përfshihet në një situatë të tillë, por ish-trajneri i Plymuth nuk u shqetësua as pasi e kuptoi se ishte filmuar në këtë moment “intim”. Nuk dihet ende si do të zhvillohet kjo histori, por tashmë episodi është bërë viral në Angli.
Në vitin 2013, ai u fotografua duke urinuar pranë një kazani plehrash në rrugën Dalton St. në Mançester. Asokohe ai ishte 24 vjeç dhe asnjë dëshmitar nuk doli për ta denoncuar, duke qenë se ishte një nga futbollistët më të rëndësishëm të Anglisë.
Në Mbretërinë e Bashkuar, urinimi në publik mund të konsiderohet vepër penale dhe mund të sjellë gjoba ose ndjekje penale, në varësi të rrethanave dhe rregulloreve vendore.
PANORAMASPORT.AL
