Roko Raic tërhoqi vëmendjen me paraqitjet e mira për Borusia M’Gladbah sezonin e kaluar, ndërsa u përfshi në grupmoshën U21 të “pancerave” pas paraqitjeve mbresëlënëse, veçanërisht në gjysmën e parë të edicionit 2023- 2024 dhe tani është thirrur në kampin stërvitor të trajneri Julian Nagelsman.
Si e pritët ftesën e kombëtares, si e përjetoni?
“Arritja këtu ishte një surprizë e madhe. Nuk e prisja thirrjen. Gjithçka ishte planifikuar ndryshe, unë kisha rezervuar pushimet, por mendja ime ishte krejtësisht diku tjetër. Kur erdhi lajmi, u emocionova jashtëzakonisht. Dua të tregoj më të mirën nga vetja dhe të përqendrohem plotësisht në lojën time. Të stërvitesh me emra të mëdhenj si Kros, Myler etj. dhe t’i njohësh ata jashtë fushës është mjaft mbresëlënëse.
Kush është kujtimi më i veçantë si tifozë?
Ashtu si shumë tifozë të Gjermanisë, momenti më i bukur dhe mbresëlënës ishte goli në Botërorin e 2014. Vrapova përpara televizorit, duke bërtitur. Ky është momenti që më ka mbetur më shumë. Duhet ta përsërisim të njëjtën rrugëtim edhe në Kampionatin Europian të 2024-ës”, përfundoi Raic.
PANORAMASPORT.AL
