Mbrojtësi turk Ozan Kabak, 24 vjeç, do të humbasë Kampionatin Evropian të Futbollit në Gjermani pasi pësoi një dëmtim të ligamentit të gjurit gjatë një miqësore kundër Italisë, tha të mërkurën Federata Turke e Futbollit (TFF).
Kabak, i cili luan për skuadrën e Premierligës gjermane, Hoffenheim, u largua nga fusha me barelë në pjesën e parë të barazimit 0-0 të Turqisë me Italinë në Bolonjë.
Të hënën, Turqia do të luajë ndeshjen e dytë përgatitore kundër Polonisë para Euros, ku do të luajë ndeshjen e parë në Grupin F kundër Gjeorgjisë në Dortmund më 18 qershor.
Përveç këtyre dy kombëtareve, në grupin F janë edhe Portugalia dhe Çekia.
/GazetaBlic Sport/
