Antonio Kasano nuk heq dorë nga sulmet kundër Rafael Leaos. Në serinë e radhës të “Viva el Futbol”, ish-fantazisti ka deklaruar:
“U lodha duke thënë të njëjtat gjëra. Leao shënon herë pas here, prek topin tri herë dhe nuk ka asnjë ide futbolli. Nuk më pëlqen. Edhe 26 vjeç vazhdon të jetë i tillë. Më pas ai më dërgon mesazhe me fytyra klouni, por unë do të vazhdoj të them të njëjtën gjë pa pushim. Për mua ai është një hu gardhi dhe i tillë do të jetë gjithmonë.
Nëse Leao do të ishte modest dhe do të ndihmonte shokët, do bëja sikur nuk ia shihja gabimet. Gjëja që më shqetëson është se portugezi është fodull dhe mendon se është një fenomen. Nuk është lider, fiton shumë para dhe në ndeshje të rëndësishme nuk është vendimtar.
Leao duhet të falënderojë ditë e natë menaxherin e tij, sepse trajnerët nuk po e ndryshojnë dot”, ka deklaruar ish-fantazisti që ka luajtur për Barin, Romën, Milanin, Interin dhe Sampdorian.
PANORAMASPORT.AL
