Pasi u shkarkua si trajner i Manchester United të hënën, Erik ten Hag u kthye menjëherë në shtëpinë e familjes së prindërve të tij, në Holandë.
Sipas “Daily Mail”, trajneri u kthye “në bazë”, i vetëm, duke lënë pas gruan dhe fëmijët. Gazeta thotë se, pasi u informua se do t’i ndërpritej kontrata, Ten Hag shkoi menjëherë në aeroportin e Manchesterit, ku një avion privat e çoi në shtëpi.
Trajneri holandez nuk i rezistoi dot humbjes nga Ëest Hami. Ruud van Nistelrooy merr komandën e përkohshme të “Djajve të Kuq”.
Gazeta publikon foto të trajnerit 54-vjeçar në shtëpinë e prindërve të tij, Hennie dhe Joke, në qytetin Oldenzaal, ku ai u rrit, dhe shkruan se bashkëshortja e tij, Bianca, dhe dy fëmijët e tyre, kanë qëndruar në shtëpi, në qarkun e Cheshire, ku ai jeton, për zgjidhur çështjet administrative përpara se të bashkohen me të në Holandë.
Manchester United është gati të shpallë Rúben Amorim si pasardhësin e tij.
