Humbja 5-2 ndaj Barcelonës ka përshpejtuar planet e Real Madrid-it për merkaton e verës.
Florentino Perez tashmë ka një plan të qartë në merkato me 3 objektiva që duhen arritur me patjetër.
I pari është Trent Alexander Arnold. Mbrojtësi anglez i Liverpool prej disa kohësh është në radarin e Real Madrid-it dhe gjithçka lë të kuptohet se ardhja e tij është thuajse e finalizuar. Aftësia e tij për të sulmuar nga krahu i djathtë dhe saktësia në krosimet e bëjnë atë një lojtar ideal për madrilenët.
I dyti është Dean Huijsen. Qendërmbrojtës 19-vjeçar që luan për Bournemouth ka qenë një nga zbulimet e mëdha të Premier League këtë sezon, duke u dalluar për pjekurinë e tij në fushë dhe aftësitë drejtuese në vijën e mbrojtjes pavarësisht moshës së re.
Objektivi i tretë por jo më pak i rëndësishëm është Martin Zubimendi. Mesfushori i Real Sociedad vlerësohet për vizionin e tij, teknikën e patëmetë dhe aftësinë për të orkestruar sulmin nga qendra.
