Me vendim të përbashkët të përzgjedhësit Franco Foda dhe Federatës, tre futbollistët: Arjanet Muriq, Edon Zhegrova dhe Florent Muslija janë përjashtuar nga ekipi i Kombëtares së Kosovës.
Siç pretendohet largimi i tyre u bë për shkak të thyerjes së rregullores së ekipit kombëtar të vendosur nga përzgjedhësi dhe Federata, shkruan lajmi.net.
Ndërkaq po flitet se njëri nga futbollistët e përjashtuar në formë anonime ka konfirmuar se kryetari i Federatës së Futbollit të Kosovës, Agim Ademi i ka kërcënuar lojtarët në fjalë.
Të paktën kështu ka thënë gazetari i sportit Arlind Sadiku I cili konfirmon se ka biseduar me lojtarin.
Sipas tij lojtari anonim ka thënë se Kryetari i FFK-së, Agim Ademi i është referuar lojtarëve me kërcënimin “jau thej komtë, jau prishi karrierën”!”,
“Skandaloze. Njëri nga futbollistët e përjashtuar, në kushte anonimiteti, pranoi se Agim Ademi i ka kërcënuar duke iu thënë “jau thej komtë, jau prishi karrierën”!”, ka thënë Sadiku./Lajmi.net/
