Manchester United vazhdoi paraqitjen e dobët në ‘Old Trafford’, duke humbur nga Wolverhampton Wanderers me rezultatin 0:1.
Heroi i ndeshjes ishte Pablo Sarabia, i cili shënoi golin e vetëm të takimit në minutën e 77-të direkt nga gjuajtja e lirë dhe solli tri pikë të vlefshme për mysafirët.
Dy skuadrat tani janë të barabarta me pikë – 38, së bashku me Everton në fund të tabelës.
Kjo ishte humbja e 15-të e United këtë sezon, që është edhe rekordi më i keq i tij në historinë e Premier Ligës.
Në ndeshjen tjetër Arsenali festoi si mysafir ndaj Ipswich Town me rezultatin 4:0 dhe kështu vazhdoi ‘gjuetinë’ për liderin Liverpool.
Shënues për ‘topçinjtë’ ishin Leandro Trossard (14′, 69′), Gabriel Martinelli (29′) dhe Ethan Nwaneri (88′), raporton KosovaPress.
Në derbin e Londrës në ‘Craven Cottage’, Chelsea fitoi ndaj Fulham me rezultat 2:1. Vendësit kaluan në avantazh me golin e Alex Iwobi në minutën e 20-të, por ‘të kaltrit’ e kthyen rezultatin në momentet e fundit.
Tyrique George shënoi në minutën e 84-të, ndërsa Pedro Neto solli fitoren në minutën e tretë të kohës shtesë.
Me këtë fitore, Chelsea kaloi në vendin e pestë me 57 pikë, po aq sa Nottingham Forest dhe Aston Villa.
