Braziliani Gleison Bremer në verë do të largohet nga Juventusi për ta vazhduar karrierën në Premier League të Anglisë.
Bremer do t’i bashkohet Manchester Unitedit, ekip që do ta paguajë klauzolën e lirimit të tij në verë. Mediumet italiane kanë raportuar të enjten se Manchesteri ka njoftuar Juventusin se do të paguajë 70 milionë euro për transferimin e Bremerit në verë.
Me këtë veprim, Manchesteri ka mposhtur konkurrencën e fortë të Chelseat, Tottenhamit e Newcastlet që gjithashtu kishin interesim për Bremerin.
27-vjeçari është njëri prej mbrojtësve më të vlerësuar në Serie A, ndërsa te Manchesteri po shihet si përforcim i duhur për mbrojtjen.
Bremer ka kontratë deri në vitin 2028 me Juventusin, ekip të cilit iu bashkua nga Torino në vitin 2022 për 44 milionë euro.
Këtë edicion, Bremer ka 28 paraqitje në kampionatin italian dhe dy gola të shënuar.
