Kilian Mbape është kthyer në protagonist kohët e fundit pasi ka deklaruar me shkrim se nuk do të rinovojë kontratën me PSG-në dhe në verën e vitit të ardhshëm ai do të largohet me parametra zero. Sulmuesi francez ka dhënë një intervistë të gjatë dhe është ndalur në disa çështje.
Mbape foli në “Gazzetta dello Sport” duke u ndalur edhe te finalet e Europës ku ishin 3 skuadra italiane. Mbape njihet si një tifoz i kampionatit italian dhe në veçanti, i Milanit. Ai nuk e ka fshehur kurrë diçka të tillë.
“Si një tifoz i Milanit që jam, e kam të vështirë që të flas mirë për Interin. Ata e kishin përgatitur mirë finalen, deri në detaje dhe e vunë Sitin në vështirësi. Futbolli kështu është dhe Interi duhet të kënaqet me paraqitjen që ka bërë. Urime Sitit!
E kam ndjekur kampionatin italian që kur kam qenë fëmijë dhe është e qartë që Ronaldo e ka kthyer sërish vëmendjen në Serinë A. Mund të jetë fillimi i një cikli të ri”, u shpreh Mbape.
PANORAMASPORT.AL
