Myrto Uzuni ishte protagonist absolut në suksesin historik të skuadrës së tij, Austin FC, që eliminoi Minnesota United pas një sfide dramatike dhe siguroi kualifikimin për finalen e Kupës, për herë të parë në histori.
Sulmuesi i Kombëtares shqiptare zhvilloi një ndeshje të madhe, duke qëndruar në fushë për plot 120 minuta dhe duke treguar se e ka lënë pas problemet fizike që e mbajtën larg përfaqësueses kuqezi.
Në minutat e fundit të shtesës, Uzuni ishte përsëri vendimtar: goditja e tij me kokë, vetëm një minutë para fundit, shkaktoi aksionin që solli golin e fitores dhe ndezi festën e madhe për Ostin-in.
Falë paraqitjes së shkëlqyer të sulmuesit shqiptar, Austin FC jo vetëm që shkruan një faqe të re në historinë e vet, por do të ketë mundësinë të luftojë për trofeun e parë madhor.
