Dani Alves ka qenë në burg për rreth një vit, pasi një vajzë e raportoi për sulm seksual në një lokal në Barcelonë, në dhjetor të vitit 2022.
Autoritetet gjyqësore të Spanjës kanë refuzuar 3 herë kërkesën e brazilianit për t’u liruar nga burgu, pasi mendojnë se ai do të largohet drejt Brazilit, ndërsa propozimi i prokurorisë flet për dënim me burg nga tetë deri në dhjetë vjet, në rast se i vërtetohet fajësia.
Dani Alves pritet të ulet në stolin e gjykatës në shkurt të vitit 2024. Në të njëjtën kohë, avokatja e viktimës, Esther Garcia, lëshoi një dokument akuze në Gjykatën e Barcelonës, në të cilën shpallte kërkesat dhe garancitë që vajza e re po kërkon.
Në mënyrë të veçantë, ajo kërkon 12 vite burg për ish-lojtarin e Barcelonës, dëmshpërblim monetar prej 150 mijë eurosh, ndalimin e komunikimit të brazilianit me të, por edhe masa kufizuese prej një kilomentri mes tyre për 22 vjet./h.ll/abcnews.al
