Ylli i Real Madridit, Fede Valverde, i thuri elozhe shokut të skuadrës Arda Guler.
Uruguaiani sugjeroi se i riu turk është një lojtar i jashtëzakonshëm që ishte ende larg potencialit të tij të plotë.
Mesfushorit iu bë një pyetje në lidhje me Guler në aplikacionin The Residency, ku ai tha:
Pyetja: “Si kaloni me Arda-n dhe çfarë mendoni për të?”
Përgjigjja: “Unë shkoj shumë mirë! Përderisa kam si përkthyes Brahimi-n. Ai është një lojtar i jashtëzakonshëm dhe ne kemi parë vetëm 30% të potencialit”.
Guler ishte një nga yjet e rinj me perspektivë në Europë pas një sezoni të shkëlqyer 2022-23 me skuadrën turke Fenerbahce.
Shumë skuadra kanë kërkuar ta marrin, por Real Madridi ia doli ta bindë, duke e nënshkruar atë për 20 milionë euro.
Pasi pësoi një dëmtim në fillim të sezonit, 19-vjeçari luftoi për të fituar hapësira në formacion.
Ai shkëlqeu në fund të sezonit, duke shënuar gjashtë gola në pesë paraqitjet e tij të fundit në kampionat.
