Federiko Valverde është futbollisti i radhës që ka rinovuar kontratën me “Los Blancos”. Palët kanë rënë dakord që bashkëpunimi mes tyre të vazhdojë deri në verën e 2029-ës. Por nëse ndonjë ekip kërkon që t’i afrohet mesfushorit uruguaian duhet t’i bëjë mirë llogaritë. Krahas rinovimit të kontratës së re, Valvdere do ta ketë edhe një klauzolë lirimi në vlerë prej një miliard eurosh.
25-vjeçari bëhet futbollisti i katërt, pas Vinicius, Rodrigos dhe Kamavingas që ka rinovuar kontratën brenda një periudhe të shkurtër me Realin e Madridit, i cili ka nisur një fushatë për “blindimin” e yjeve të tij, si dhe duke vendosur edhe klauzola të çmendura për ata që duan t’i rrëmbejnë. Pra “galaktikët” po i bëjnë parapritë joshjeve të milionave që vijnë nga Arabia Saudite.
Frederiko Valverde në këtë sezon ka shënuar 1 gol dhe ka dhënë 3 asistime në 15 ndeshje që ka luajtur me Realin në të gjitha kompeticionet.
PANORAMASPORT.AL
