Rafael Van der Vaart, ish-lojtari i Tottenham dhe Real Madrid, foli për talkSPORT për disa çështje aktuale, pa kursyer disa gjykime mjaft të ashpra:
“Nëse heqim shpejtësinë, unë e shoh Erling Haaland si një lojtar normal. Teknikisht ai nuk është mjaftueshëm i mirë dhe ai mund të marrë notë kaluese kur Manchester City është në formë, por jo kur ata janë duke luftuar, mendoj se i mungon diçka që kanë sulmuesit më të mirë të nivelit të lartë.
Mund të më kritikojnë për këtë mendim, por nuk e shoh në të njëjtin nivel me sulmuesit më të mirë me të cilët kam luajtur, si Ruud van Nistelrooy. Manchester City ka nevojë për Erling Haaland për momentin, por ku është ai? Kjo është arsyeja pse unë nuk e konsideroj atë në mesin e atyre pak sulmuesve të klasit botëror”, ka thënë mes të tjerash Van der Vaart.
