Pas fitores së Lewis Hamilton në garën sprint, Ferrari pëson një skualifikim të dyfishtë në Çmimin e Madh të Kinës. Frederic Vasseur, shefi i “kokëkuqes”, nuk e konsideron kampionatin e Formula 1 të përfunduar, duke gjykuar se vonesa aktuale ndaj McLaren mund të rikuperohet. Francezi vlerësoi bashkëpunimin mes Hamilton dhe Leclerc, pavarësisht polemikave gjatë komunikimeve në radio.
Frederic Vasseur bën një paralele mes McLaren aktual dhe Red Bull të vitit 2024, i cili në atë kohë kishte një fillim edhe më dominues, për t’u kapur më pas në fund të sezonit. “Kështu ndodhi edhe vjet me Red Bull, që më pas u rendit i treti për konstruktorë. Natyrisht që McLaren po ecën mirë, me ritëm dhe mendoj se janë një hap përpara, por nuk mendoj se është fundi i kampionatit”, tha Vasseur.
Pas dy garave të para, Ferrari është 61 pikë prapa renditjes së konstruktorëve, por Vasseur beson se nga pikëpamja teknike, një rikuperim i performancës në McLaren është i arritshëm:
“Unë mendoj se diferenca është shumë më e vogël se ajo midis Red Bull dhe ekipeve të tjera vitin e kaluar. Më pas gjërat ndryshuan, ne u përmirësuam dhe në fund të vitit ata ndoshta ishin një hap prapa nesh”.
“Duhet të qëndrojmë të qetë dhe të fokusohemi te vetja. Mendoj se ka shumë gjëra pozitive për të marrë nga fundjava, si fitorja dhe pole e Lewis ose ritmi i Charles në garë. Ka gjithashtu aspekte negative.
Të kuptosh pse Hamilton pati një ritëm të tillë në garë është shumë më e vështirë, siç është ritmi i tij kualifikues të shtunën.
Jemi ende në kufi për të përfituar maksimumin nga makina dhe ekipi. Ne duhet të përmirësohemi në këtë fushë”, tha Vasseur..
