Nuk ka kaluar shumë nga fitorja e Charles Leclerc në çmimin e madh të Monacos- dhe te Ferrari janë të emocionuar për sezonin që deri më tani po zhvillojnë, edhe pse vendin e parë në renditje e mban Max Verstappen i Red Bullit.
Për këto arsye, drejtori i të kuqve, Frederic Vasseur, beson se skuderia ku është pjesë ka të gjithë mundësitë për të bërë mirë edhe në garat që do të vijnë:
“Jemi entuziastë pas fitores së Leclerc, jemi të përgatitur edhe për cirkuitin e radhës.
Ka ende disa gjëra për t’u përmirësuar për të qenë edhe më të shpejtë. Duhet që edhe në këtë fundjavë të tregojmë vazhdimësi për të treguar se jemi në drejtimin e duhur.
Puna e bërë nga ne ka zvogëluar diferencat me rivalët. Vetëm detajet e vogla bëjnë diferencën-mbylli deklaratën e tij Frederic Vasseur.
Ferrari aktualisht ka grumbulluar 252 pikë, duke qenë jo larg Red Bulli që mban vendin e parë me 276 pikë. Në total deri më tani janë zhvilluar 8 gara, ku 5 kanë firmën e Red Bullit, 2 të Ferrarit dhe 1 e McLaren.
