Vazhdojnë “çmenduritë” e Liverpulit në merkato, 70 milionë euro për lojtarin e Rennes

Vazhdojnë shpenzimet e çmendura të Liverpulit në merkato. Pas merkatos së verës në të cilën anglezët shpenzuan gati 500 milionë euro, “të kuqtë” po vazhdojnë shpenzimet e tyre.

Sipas The Athletic, Liverpuli ka përfunduar blerjen e Jeremy Jacquety nga Rennes për një shumë afër 70 milionë eurosh, duke përfshirë bonuset.

Lojtari iu nënshtrua sot vizitave mjekësore dhe tani është gati të nënshkruajë një kontratë që do ta mbajë atë në klubin anglez deri në vitin 2031.

Liverpulit iu desh të mposhte konkurrencën e Chelsea dhe Bayernit për të siguruar lojtarin premtues të lindur në vitin 2005. Jacquet do të qëndrojë te Rennes deri në fund të sezonit dhe më pas do të bëhet një lojtar i ri i Liverpulit.