Barcelona po përballet me Real Madridin në kuadër të xhiros së 11-të në La Liga.
Reali ka arritur ta barazoj rezultatin në 1:1, pas një super goditje të Jude Bellingham.
Golin e parë e shënoi Ilkay Gundogan, i cili shfrytëzoi gabimin në mbrojtjen e Realit në minutën e gjashtë.
Fermin Lopez pati rast ideal për Barcelonën, por mesfushori i ri u mohua nga shtylla në minutën e 15-të.
Rastin më të mirë për Realin e pati Dani Carvajal, i cili pas një pasimi të Toni Kroos gjuajti jashtë.
Tchouameni pati një super goditje nga distanca, por mbrojti Ter-Stegen.
Ky është takimi i parë ndërmjet këtyre dy skuadrave për këtë edicion.
Ndeshja po zhvillohet në stadiumin “Estadio Olimpic Lluis Companys” në Barcelonë.
Deri më tani Reali ka tetë fitore, një barazim e një humbje dhe ka grumbulluar 25 pikë, kurse Barcelona ka shtatë fitore e tri barazime dhe ka 24 pikë. /Lajmi.net/
