Vdekja tragjike dhe e parakohshme e Jorge Costas, drejtorit sportiv dhe ish-mbrojtësit të Portos, ka tronditur botën e futbollit. Ndër ata që janë prekur më shumë është padyshim José Mourinho, trajneri që udhëhoqi klubin portugez drejt titullit të Ligës së Kampionëve, me vetë Costën që shërbente si kapiten. “Një pjesë e historisë sime ka ikur”, komentoi Special One në konferencën për shtyp para ndeshjes kualifikuese të Ligës së Kampionëve të Fenerbahçes kundër Feyenoord, i pamundur të mbante lotët e emocioneve. “Më vjen shumë keq, por nëse do të ishte këtu, do të më thoshte të vazhdoja. Tani do të bëj punën time, pastaj do të qaj”.
“Ka kapitenë dhe udhëheqës. Dhe ndonjëherë, nuk ka të bëjë vetëm me shiritin e kapitenit, por me atë që përfaqëson. Dhe Jorge ishte një nga ata, një nga ata që bën punën e vështirë dhe e lë trajnerin të bëjë të tijën. Është perfekte për një trajner kur kapiteni i tij sillet kështu. Më vjen shumë keq. Një pjesë e historisë sime ka ikur. Nëse do të mund të më fliste tani, do të thoshte: ‘Vazhdo, mbaj konferencën tënde për shtyp. Luaje ndeshjen nesër dhe fitoje. Trajner, harromë mua’. Kjo është ajo që do të thoshte Jorge. Pra, kjo është ajo që do të përpiqem të bëj, të bëj punën time sot, ta bëj nesër dhe të qaj më pas”.
