Fitues në katër edicionet e fundit të Formula 1, Maks Vershtapen gjithashtu vjen me pritshmëri të larta edhe këtë sezon, ndonëse “Red Bull”-i nuk më është ajo makinë superdominuese. “Jemi në një formë pozitive, besoj.
Mendoj se do të dimë më shumë rreth situatës sonë këtë fundjavë dhe në garat e mëtejshme. Do të përpiqemi të bëjmë më të mirën tonë, për momentin nuk mund të bëjmë më shumë. Nuk kemi pasur shumë ditë testimesh, kemi gjetur disa fusha për të punuar dhe kjo është ajo që do të vazhdojmë të bëjmë.
Mendoj se kemi pasur përmirësim, por ne mund të bëjmë më shumë. E di që nuk jemi më të shpejtët për momentin, por e përsëris që do të jetë një sezon i gjatë. Nëse do të flisnim në fundin e sezonit të kaluar, përgjigjja do të ishte tjetër dhe kjo është prova sesi gjërat mund të ndryshojnë shumë shpejt në botën e Formulës 1.
Do bëjmë maksimumin tonë për të qenë sa më shpejt konkurrues”, deklaroi Maks Vershtapen, i cili në Formula 1 numëron statika të jashtëzakonshme, me 4 tituj kampionë, 63 gara të fituara, 112 podiume, 40 “pole position” dhe 33 xhiro më të shpejta.
PANORAMASPORT.AL
