Mbrojtësi portugez Joao Cancelo ka kompletuar rikthimin e tij te Barcelona, duke u larguar nga skuadra arabe Al Hilal.
Ylli portugez do t’i bashkohet katalunasve në formë huazimi, pa opsion blerjeje, pasi nuk bënte pjesë në planet e trajnerit Simone Inzaghi.
Sipas gazetarit të njohur Fabrizio Romano, marrëveshja është mbyllur mes të tre palëve, ndërsa Barcelona do të paguajë 4 milionë euro për huazimin e lojtarit nga Al Hilal.
“Joao Cancelo te Barcelona, marrëveshja e kryer! Huazim deri në qershor”, ka shkruar Romano.
“Barcelona do të paguajë 4 milionë euro për huazimin nga Al Hilal”.
“Pavarësisht se Interi kishte arritur marrëveshje me Al Hilalin, Joao donte vetëm Barcelonën”.
Interi u përpoq deri në fund ta bindte mbrojtësin portugez, por dëshira e tij ishte e qartë, të rikthehej dhe të luante sërish me fanellën katalunase. /ATVLIVE.TV
