Fitorja e Romës ndaj Parmës, e mbyllur me një rezultat të thellë 5-0, mbart firmën e pashlyeshme të Paulo Dybalës, autor i një dygolëshi dhe një asistimi.
Një ndeshje speciale për “Joya-n”, pasi falë dy golave të shënuar në “Olimpico”, ai ka kaluar Gonzalo Higuainin në klasifikimin e veçantë të golashënuesve argjentinas në historinë e kampionatit më të lartë italian: tani Dybala numëron 126 gola, kundrejt 125 të “Pipita-s”.
Aktualisht, sulmuesi aktual i Romës është golashënuesi i tretë më i mirë argjentinas i të gjitha kohërave në Serinë A, duke mbetur pas dy legjendave si Hernan Crespo (me 153 gola) dhe Gabriel Omar Batistuta (184 gola). Këtë e bën të ditur Opta, portal i specializuar në mbledhjen e të dhënave statistikore të aplikueshme në futboll.
Vetë Dybala foli për mikrofonat e DAZN pas fitores 5-0 të Romës ndaj Parmës:
“Bëmë një ndeshje të shkëlqyer. Këto 2 gola më japin shumë besim, jam i lumtur për rezultatin.”
A ju kanë mbështetur gjithmonë tifozët?
Këta njerëz që nga dita e parë më japin ngrohtësinë e tyre dhe unë përpiqem të jap gjithmonë më të mirën për fanellën dhe për ta.”
Jeni gati për Milanin dhe Lazion?
Këto janë ndeshjet më të bukura për t’u luajtur. Fillimisht do të mendojmë për Milanin, pastaj për derbin.
