VIDEO/ 20 gola në 5 ndeshjet e javës së fundit të Serisë A! Milani dhe Roma nuk lëshojnë pe, ja çfarë ndodh me Veronën e Specian (VERDIKTET E SEZONIT)

U luajtën mbrëmjen e sotme 5 duelet e fundit të Serisë A, ku u shënuan plot 20 gola. Milani dhe Roma nuk lëshuan pe, respektivisht përballë Veronës dhe Specias, duke triumfuar në shtëpi dhe duke dërguar Veronën dhe Specian në ndeshjen shtesë (11 qershor) në ndeshjen e “Play-Out”-it, që do të vendosë se cila skuadër do të qëndrojë në elitën e futbollit italian dhe cila prej tyre do të zbresë një kategori më poshtë. Kujtojmë që kjo rregullore u fut 1 vit më parë në elitën e futbollit italian dhe aplikohet për herë të parë.Ndërkohë në duelet e tjera, Juventusi e mbylli sezonin me triumfin 0-1 në transfertë ndaj Udinezes falë golit të Kiezës, ndërkohë që fitore bindëse edhe për Atalantën ndaj Monzës me rezultatin 5-2. Me rezultatin 2-3 u mbyll dhe dueli tjetër mes Leçes dhe Bolonjës.

Për sa i përket verdikteve të sezonit, Napoli u kurorëzua si kampione e Serisë A, teksa Lacio, Inter dhe Milani, së bashku me skuadrën e Spaletit kompletuan zonën Champions.

Atalanta dhe Roma morën një biletë për në Ligën e Europës, ndërkohë që Juventusi, nëse nuk dënohet edhe nga UEFA, sezonin e ardhshëm do të luajë në Ligën e Konferencë, në të kundërt vendin e bardhezinjve në arenën europiane e merr Fiorentina. Mos harrojmë që skuadra “vjollcë”, ka edhe një shans përmjet fitimit të Ligës së Konferencës, ku do të përballet në finale me Uest Hemin, për të kapur Ligën e Europës.