Futbollistët e Kombëtares së Izraelit janë detyruar të dalin nga autobusi në autostradë pas një alarmi që morën nga autoritet për një sulm të mundshëm.
Rrugës për në aeroportin e Tel Avivit ata kanë marrë një alarm për sulm me bombë apo me raketa, duke bërë që të detyrohen të dalin nga autobusi dhe të fshihen në një vend më të sigurt. Lajmi është bërë i ditur nga federata izraelite e futbollit e cila në faqen zyrtare ka publikuar videon, ku shihen lojtarët dhe stafi duke ikur.
Rikujtojmë që Izraeli do të luajë të dielën ndaj Kosovës në kuadër të eliminatoreve për Euro 2024, në stadiumin Fadil Vokrri nga ora 20:45. Ata priten të mbërrijnë gjatë mbrëmjes në Prishtinë.
PANORAMASPORT.AL
