Bajerni e ka mbyllur me fitore fazën përgatitore për sezonin e ri, duke mundur me rezultatin 4-2 skuadrën e Monakos, e luajtur në një fushë neutrale.
Sfida nisi mirë për ekipin nga principata duke gjetur golin me Minaminon në minutën e 29’. Gjithsesi nuk vonoi shumë teksa pas dy minutash Laimer vendosi baraspeshën. Në fundin e pjesës së parë erdhën dhe dy gola të tjerë nga Musiala dhe Gnabri.
Në pjesën e dytë Ben Jeder rihapi dhe njëherë takimin, teksa Sane e vulosi përfundimisht atë duke shënuar dhe golin e katërt për gjermanët.
Kështu Bajerni mbyll fazën përgatitore, teksa ndeshja e ardhshme do të jetë kundër RB Lajpcig në finalen e Superkupës, ndërsa Monako do të startojë kampionatin kundër skuadrës së Klermont.
REZULTATI:
BAJERN MYNIH 4-2 MONAKO (VIDEO)
Laimer 31’, Musiala 42’, Gnabri (P) 45+2’, Sane 69’ / Minamino 29’, Ben Jeder (P) 64’
PANORAMASPORT.AL
