Sassuolo vuajti shumë, por në fund ia doli të kualifikohej përballë Spezias në ndeshjen e vlefshme për Kupën e Italisë. Skuadra e drejtuar nga trajneri Dionisi nuk mundi ta zhbllokonte rezultatin për 120 minuta lojë, edhe pse ishin ata që diktuan ritmin dhe që iu afruan më shumë golit.
Në fund, të dyja skuadrat iu drejtuan ruletës së penalltive aty ku më të saktë ishin lojtarët e Sassuolos. Këta të fundit, përfshirë edhe lojtarin e kombëtares, Nedim Bajrami nuk gabuan në asnjë prej goditjeve ndërsa në radhët e Spezias gabimi i Moros kushtoi shumë. Në raundin pasardhës, atë të 1/8-tave, Sassuolo do të përballet me Atalantën./ h.ll/abcnews.al
