Një ngjarje e paprecedentë u regjistrua në elitën e futbollit turk. Presidenti i klubit të Ankaragyçy, Faruk Koca së bashku me bashkëpunëtorët e tij kanë sulmuar në mes të fushës gjyqtarin Halil Umut Meler, duke e dëmtuar sidomos në pjesën e syrit.
Faruk Koca është shumë i njohur në Turqi. Ai është mik i ngushtë i presidentit turk, Rexhep Tayip Erdogan dhe një nga themeluesit e partisë së tij, AK Parti. Ai madje ka qenë deputet në dy mandate në parlamentit turk.
Ndërkohë vetë presidenti Erdogan ka reaguar në rrjetet sociale duke e dënuar sulmin ndaj gjyqtarit.
“Dënoj sulmin ndaj gjyqtarit Halil Umut Meler në përfundim të ndeshjes Ankaragyçy-Rizespor sonte dhe i uroj shërim të shpejtë. Sporti do të thotë paqe dhe vëllazëri. Sporti është i papajtueshëm me dhunën. Ne nuk do të lejojmë kurrë që dhuna të zërë vend në sportet turke”, ka shkruar Erdogan.
🚨🚨| BREAKING: Turkish Football Federation president Mehmet Büyükekşi announces all leagues in Turkey are now postponed indefinitely after the attack on referee Halil Umut Meler today.
— CentreGoals. (@centregoals) December 11, 2023
PANORAMASPORT.AL
