Trazirat dhe dhuna në ndeshjet e futbollit në Turqi duket se nuk kanë fund. Incidenti i ri ndodhi në ndeshjen e dytë të ligës turke mes Bursasporit dhe Dijarbakirspor, e cila përfundoi me përjashtimin e pesë lojtarëve me kartonë të kuq.
Dijarbakirspor fitoi 2-0 në ndeshjen, e cila u shënua nga një skenë kaotike e ndodhur në fund të takimit. Nuk dihet saktësisht se çfarë e shkaktoi konfliktin, por praktikisht çdo lojtar në fushë u gjend në konflikt, si dhe stafet profesioniste të të dy klubeve.
Policia ka dalë në terren me helmeta dhe mburoja, por situata në fushë ka qenë kaotike. Grushtet po fluturonin dhe tifozët po hidhnin shishe nga tribuna në fushë. Madje një nga lojtarët është kapur duke tentuar të godasë, gjë që gjithashtu është e ndaluar edhe në disa arte marciale.
Kaosi mbretëroi në fushë për disa minuta përpara se rendi dhe paqja të rivendoseshin përfundimisht. Si pasojë e konfliktit dy lojtarë nga Bursaspor dhe tre nga Dijarbakirspor u përjashtuan nga loja.
Kujtojmë se javën e kaluar kampionati turk u ndërpre për shkak të sulmit të egër të presidentit të klubit të ligës së parë ndaj arbitrit.
Momenti i trazirave në ndeshjen mes Bursasporit dhe Dijarbakirspor (VIDEO)
PANORAMASPORT.AL
