Japonia konfirmohet makthi i Gjermanisë. Pasi e mposhtën më 23 nëntor të vitit 2022 duke e eliminuar nga grupet e Botërorit, japonezët tashmë i turpërojnë gjermanët edhe në miqësore, teksa mbrëmjen e sotme triumfuan me rezultatin 1-4 në stadiumin e Volfsburgut.
Moment i vështirë për Gjermaninë që ka marrë 4 humbje dhe një barazim në pesë ndeshjet e fundit që ka luajtur.
11 minuta u kanë mjaftuar japonezëve për të kaluar në avantazh me Iton. Kundërpërgjigjja e gjermanëve ka qenë e shpejtë, me Sane që ka barazuar në të 19-ën. Megjithatë, minutat e mbetura të ndeshjes kanë folur vetëm për Japoninë, që ka shënuar edhe tre gola të tjerë me Ueda në minutën e 22-të , Asano në 90-tën dhe Tanak në 90+2’.
Teilen:
