Arabia Saudite kërkon të rrisë futbollin dhe po investon miliarda euro. Klube të ndryshme kanë marrë disa nga yjet e futbollit europian e njëkohësisht po marrin edhe shumë trajnerë në mënyrë që vëmendja të shkojë edhe në Arabi.
Stiven Xherard është zyrtarisht trajneri i Etifaq FC. Legjenda e Liverpulit ishte në bisedime prej kohësh me klubin arab dhe vetëm sot ka ardhur zyrtarizimi nga ana e klubit. Xherard do të provojë për herë të parë një aventurë si trajner jashtë Europe, duke qenë se ka drejtuar skuadra si Aston Vila e Rejnxhërs.
Me këta të fundit, Xherard arriti të bënte mjaft mirë në kampionat e Europë. Në kohën kur drejtonte skocezët, Xherard transferonte Eros Grezdën duke e kërkuar personalisht, por më vonë e dënonte për shkak të sjelljes së tij dhe vetëm pak kohë më vonë, Grezda u largua përfundimisht.
PANORAMASPORT.AL
