Ndeshja gjysmëfinale e Kupës së Afrikës mes RD Kongos dhe Bregut të Fildishtë, ka dhuruar një episod të veçantë para se topi të rrotullohej në fushën e lojës. Futbollistët e RD Kongos, kanë vendosur të zhvillojnë në protestë unike para kamerave, në një mesazh sensibilizim për atë që po ndodh në vendin e tyre.
Lojtarët, në vend që të këndonin himnin e vendit të tyre, vendosën një dorë në formë arme në kokë dhe me tjetrën mbyllën gojën. Ata kishin vendosur këtë si mënyrë sensibilizimi të opinionit për atë që po ndodh në vendin afrikan, i cili po përballet me një krizë humanitare pas masakrave të grupit rebel M23.
Grupi me etni tutsi, është në luftë me qeverinë dhe është përgjegjës i shumë masakrave në zona të ndryshme të vendit, përfshirë gra dhe fëmijë. Së fundmi, ai ka sulmuar qytetin e Sake, duke bërë që të largoheshin rreth 1 milionë persona nga fshatrat dhe zona rreth e rrotull, në një krizë pa precedent.
Ndaj, lojtarët menduan se duke u shfaqur në skenën më të rëndësishme të futbollit në kontinent në këtë mënyrë, ata do t’i tregonin botës atë që po vuante aktualisht vendi i tyre, në një konflikt të armatosur që zgjat prej shumë vitesh.
Yesterday players for DR Congo national team staged a silent protest ahead of their AFCON game with Ivory Coast.
A genocide has been raging on for decades, where TWENTY-SIX MILLION are in need of humanitarian aid, and nearly 7 million displaced. pic.twitter.com/aa5tnzfhGt
— Sofia Akel (@sofiaakel) February 8, 2024
PANORAMASPORT.AL
