Kampioni i Botës me Argjentinën, portieri Emiliano Martinez nuk arriti t’i mbajë lotët në ‘Villa Park’ pas fitores 2-0 të Aston Vilas ndaj Totenhemit, duke bërë mediat që ta cilësojnë si një lamtumirë nga klubi anglez.
Sipas gazetarit argjentinas Gaston Edul, përlotja e tij ndodhi sepse portieri ka një mundësi për t’u larguar në merkaton e verës.
Dibu Martínez se ha despedido entre lágrimas tras el Aston Villa-Tottenham. ¿Despedida? 🤔🇦🇷pic.twitter.com/gyJlVR8XC2
— MARCA (@marca) May 16, 2025
Martinez ka një ofertë të madhe nga një klub i Arabisë Saudite dhe gjithashtu dy oferta nga klube të mëdha europiane. Ai ka të ngjarë ta refuzojë ofertën e Arabisë Saudite për arsye sportive dhe gjithashtu sepse dëshiron të qëndrojë pranë skuadrës argjentinase për Kupën e Botës 2026.
“Dibu” Martinez ka bërë 211 paraqitje për Aston Vilan në karrierën e tij, duke mbajtur portën e paprekur në 69 ndeshje gjatë tetë viteve te klubi anglez.
PANORAMASPORT.AL
