Tjetër fitore me shifrat 2-0 për Interin e Simone Inzagit. Zikaltërit bënë detyrën në transfertë ndaj Kaljarit, duke vijuar serinë e rezultateve pozitive në Serinë A.
Për të zhbllokuar sfidën mendoi Dumfris në minutën e 21-të, i cili pas asistit të Turam, përshëndeti rrjetën. 9 minuta më pas do të ishte radha e kapitenit Lautaro Martinez, për të dyfishuar shifrat.
Pjesa e parë përfundoi me shifrat 0-2, ndërkohë që fragmenti i dytë i lojës nuk prodhoi gola, me Interit që menaxhoi epërsinë e dy golave. Vlen të theksohet fakti se skuadra e Inzagit regjistroi edhe 2 shtylla me Lautaron dhe Çalhanoglu, nga një për secilën pjesë.
Ndërkohë që edhe vendasit e Kaljarit iu afruan ndjeshëm golit, por pa sukses. Duelin e radhës Interi do e luajë në shtëpi ndaj Fiorentinës, ndërkohë që Kaljari i Ranierit, do të jetë mysafir në transfertë ndaj Bolonjës.
FT
KALJARI 0-2 INTER
21′ Dumfris, 30′ L. Martinez
GOLI I LAUTARO MARTINEZ (SHIH VIDEON)
GOLI I DUMFRIS (SHIH VIDEON)
FORMACIONET ZYRTARE
KALJARI (4-4-2): Radunoviç; Zapa, Dosena, Obert, Augelo; Nandez, Makoumbou, Sulemana, Xhankto; Oristanio, Pavoleti.
Trajneri: Klaudio Ranieri
INTERI(3-5-2): Zomer, Darmian, De Vraj, Bastoni; Dumfris, Barela, Çalhanoglu, Mkhitarian, Dimarko; Turam, Lautaro.
Trajneri: Simoe Inzagi
PANORAMASPORT.AL
